الحكومة رخصت السجاير خوفا من الخرمانين …. فصيحة !!

ومــاله يا خويا مش عيب
على
غرار زيادة العلاوة الاجتماعية إلى نسبة ال 30 % ,أصدرت الحكومة - الرشيدة
النظيفة الغالية – حزمة من القرارات لتدبير موارد هذه العلاوة من جيوبنا
...نحن محدودى الدخل سابقاً – معدومى الدخل خلال الأيام القليلة القادمة – من
بينها زيادة أسعار السجائر المحلية والمستوردة والتى تصل الى 33% . ولعل
رفع أسعار السجائر كان القرار الوحيد الصائب ضمن القرارات المكوكية المصدرة
من قبل الحكومة لما للسجائر من اَثار مدمرة للصحة وعادة سيئة يصعب التخلص
منها , لكن لنشاهد سوياً ما حدث ففى يوم 5/5/2008 وبعد إقرار- أقصد تمرير-
مجلس الشعب هذه الفرامانات فوجئت عندما ذهبت إلى احد الباعة لشراء علبة
سجائر، أنها أصبحت من 7.5 جنيه إلى 9 جنيه وقال لى مشيراً إلى نوع اَخر أنه
زاد من 4.5 جنيه إلى 6 جنيه حينها قلت له وعلى الفور بدون تردد أنا مش
عايز سجائر أنا خلاص بطلت وفعلاً روحت من غير ما أشترى وقلت خلاص جات من
عند الحكومة عشان أبطل.لكن بعد أربع أيام أكتشف ان سعر السجائر نزل – على
الرغم انه جرى العرف على عدم انخفاض سعر أى سلعة بعد زيادتها – لتصبح اللى
اترفعت من إلى جنيه9 رجعت إلى 8
جنيه أى أن الزيادة 50 قرش والنوع التانى اللى كان ب 4.5 جنيه ورفعوه إلى 6
جنيه إستقر عند سعر 4.75 جنيه أى أن الزيادة 25 قرش …. معقول ده؟ الزيادة
اللى حصلت فى أسعار المواصلات من ميكروباص وخلافه واللى حصلت فى أسعار
عبوات اللبن ومعظم السلع الأخرى هى نفسها الزيادة اللى حصلت فى السجائر؟؟
هل يمكن أن تزيد علبة سجائر بزيادة قدرها 50قرش فقط تكون هى نفسها زيادة
سعر كيلو اللبن؟هل يعرف احدكم كم هو مفيد اللبن ويحتاجه صغارنا وكم هى ضارة
السجائر وتضر صغارنا؟؟ ماهو السر فى تخفيض سعر السجائر بعد زيادة
أسعارها؟؟ ولماذا؟؟ ولمصلحة من؟؟؟ ولا ده قرار سياسى ؟؟ يمكن قالوا بلاش
نغلي السجائر أوى لأن دى الحاجة الوحيدة اللى الناس بتنفخ فيها وتحرق فيها
غضبها المكتوم، فلما تبطلها غصب عنها عشان سعرها زاد ح تعمل إيه؟ يمكن
متلاقيش حاجة تحرقها تقوم تعمل زى العيال بتوع 6 إبريل؟ لأ نرخصها أحسن
عشان نعلى مزاجهم ونبعدهم عن المواضيع ديه خالص ويبقى كده الحكومة أتصرفت
على غرار المقولة اللى بتقولفعل فاضح فى الطرق العام – أقصد الطريق السياسى